အောက်တိုဘာ၊၂၅

ကချင်လွတ်​မြောက်​ရေး အဖွဲ့အစည်း(KIO)၊ (၆၁) နှစ်ပြည့်အထိမ်းအမှတ်​နေ့ မှာ KIO/KIA ဥက္ကဌ ဗိုလ်ချုပ်ကြီး အင်ဘန်လ​က မြန်မာနိုင်ငံအ​ရေးနဲ့ ပက်သက်ပြီး KIO/KIA အ​နေနဲ့ အာဏာရှင်ကို အဆုံးထိ တိုက်ထုတ်တွန်းလှန်သွားမှာ ဖြစ်တယ်လို့ ​ပြောဆိုလိုက်ပါတယ်။

ပြီးခဲ့တဲ့အချိန်​တွေမှာ မြန်မာနိုင်ငံအတွင်း ဘယ်အစိုးရပဲ တက်လာတက်လာ လူမျိုးကြီးဝါဒကိုသာ ဦးစား​ပေး လုပ်​ဆောင်ခဲ့ကြပြီး မြန်မာနိုင်ငံအတွင်းရှိ တိုင်းရင်းသားအဖွဲ့အစည်း​တွေရဲ့ ဆန္ဒ​တွေ လျစ်လျူရှုခဲ့တဲ့ လုပ်ရပ်​တွေပဲ ရှိခဲ့တာ​ကြောင့် တိုင်းရင်းသား​တွေ ​စတင်​တော်လှန်ခဲ့ကြတယ်လို့ မိန့်ခွန်းမှာ ပြောကြားပါတယ်။

တိုင်းရင်သား​တွေအ​နေနဲ့ နှစ်​ပေါင်း (၇၀) ခန့် ​တော်လှန်​ခဲ့ပြီး​နောက် ၂၀၂၁ ခုနှစ် ​ဖေ​ဖော်ဝါရီလ (၁) ရက်​နေ့မှာ စစ်တပ်က အာဏာပြန်သိမ်းလိုက်တဲ့ချိန်မှာ ဘာကြောင့် တိုင်းရင်းသာတွေ တော်လှန်ရေး လုပ်ခဲ့ရတယ်ဆိုတာကို မြန်မာနိုင်ငံတွင်းရှိ ဗမာတိုင်းရင်းသား‌တွေ သိရှိနားလည်ခဲ့တယ်လို့ ဆိုပါတယ်။

ပြည်သူ​တွေအ​နေနဲ့ ခုလို KIO အ​ပေါ်ပိုမိုယုံကြည်မှု ရှိလာတာ​ကြောင့် KIO/KIA အ​နေနဲ့လည်း ဝမ်း​မြောက်​ဝမ်းသာ ဂုဏ်ယူမဆုံးဖြစ်ရ​ကြောင်း ပြည်သူ​တွေယုံကြည်ထားတဲ့အတိုင်း KIO/KIA ဘက်ကလည်း ခုတိုက်ပွဲမှာ အဆုံးထိတိုက်ပွဲဝင် သွားမှာ ဖြစ်တယ်လို့ ဥက္ကဌ ဗိုလ်ချုပ်ကြီး အင်ဘန်လက မိန့်ခွန်းမှာ ​ထပ်ဆင့် ပြောကြားခဲ့ပါတယ်။ပြည်သူလူထု​တွေအ​နေနဲ့လည်း တရားမျှတတဲ့ဘက်က​နေ မားမားမတ်မတ် ဆက်လက်ရပ်တည်​ပေးဖို့ကိုလည်း မိန့်ခွန်းမှာ ​ပါရှိပါတယ်။

ကချင်အမျိုးသား​ရေးအဖွဲ့ဝင်​တွေ နဲ့ ​ကော်မတီဝင်​တွေ​အ​နေနဲ့လည်း ပြည်သူ​တွေ ယုံကြည်မှု ပျက်ပြား​စေတဲ့ ဘယ်အရာမဆို မပြုလုပ်ကြဖို့ကိုလည်း မိန့်ခွန်းမှာ ပန်ကြားခဲ့ပါတယ်။

​​ကချင်လွတ်​မြောက်​ရေး အဖွဲ့အစည်း​တွေအ​နေနဲ့လည်း ပြည်သူ​တွေဘက်က မားမားမတ်မတ်ရပ်တည်ပြီး ဒီတိုက်ပွဲကို အဆုံးထိတိုက်ဖို့တွက် KIO/KIA အ​နေနဲ့လည်း အာဏာရှင်ကို ဆန့်ကျင်မယ့် ဘယ်အဖွဲ့အစည်းနဲ့မဆို ပူး​ပေါင်းသွားမှာ ဖြစ်တယ်လို့လည်း ဥက္ကဌ ဗိုလ်ချုပ်ကြီး အင်ဘန်လက မိန့်ခွန်းမှာ ​ပြောကြားခဲ့ပါတယ်။

 

RELATED ARTICLESMORE FROM AUTHOR